«ОРИОН» ҚОНАҚ ҮЙІНІҢ ӘКІМШІЛІГІ СІЗГЕ ЖАҚСЫ ДЕМАЛЫС ТІЛЕЙДІ!

НОМЕРЛЕРДІ БРОНЬДАУ ТӘРТІБІ

1. Номерлерді броньдау онлайн режимде, телефон арқылы, Reception үстелінде, жазбаша өтініммен, электрондық пошта немесе мессенджерлер арқылы жүзеге асырылады. Бұл ретте қонақтардың А.Ә.Т., келу/кету күні мен уақыты, номерлердің саны мен санаты көрсетіледі.
2. Қонақ үй тек кепілдендірілген броньдау негізінде жұмыс істейді — бұл жағдайда Қонақ үй қонаққа қажетті уақытта броньдалған номерді ұсынуға кепілдік береді және есептік уақытқа дейін қонақты күтеді. Бұл жағдайда жарты тәуліктік немесе тәуліктік тарифтің құны мөлшерінде алдын ала төлем алынады. Өз кезегінде Қонақ келмеген жағдайда жарты тәуліктік немесе тәуліктік тариф мөлшерінде төлем жасауға міндетті.
3. Сіздің броньдауыңызды растау үшін келесі нұсқалар ұсынылады:

• QR төлем — Kaspi Pay жүйесінің «Қашықтан төлеу» сервисі арқылы. Қонақ көрсеткен телефон нөмірі бойынша шот жіберіледі;
• депозит енгізу — Reception арқылы алғашқы тәулікке/жарты тәулікке алдын ала төлем жасау арқылы кез келген ыңғайлы уақытта броньдау;
• қолма-қол емес есеп айырысу — заңды тұлғалар үшін шот-фактура арқылы, банк аударымы арқылы броньдау. Қолма-қол емес есеп арқылы броньдау кезінде Қонақ үйде болу мерзімінің толық құны төленуі тиіс. Алдын ала төлемді растау мерзімі Қонақ үймен белгіленеді, бірақ Қонақ келгенге дейін кемінде бір тәулік бұрын болуы керек

4. Сирек жағдайларда Қонақ үй кепілсіз броньдауды қабылдай алады. Бұл түрі номердің берілуіне немесе келмеген жағдайда төлемнің жасалуына кепілдік бермейді. Бұл нұсқа қонақ Қонақ үй алдында ешқандай міндеттемені мойнына алғысы келмегенде қолданылады.
5. Бұрын броньдалған номерге қатысты кез келген өзгеріс, толықтыру немесе бас тарту келесі мерзімдерден кешіктірілмей Қонақ үйге хабарлануы тиіс:

• тәуліктік орналастыру кезінде келу уақытына дейін 24 сағат бұрын;
• жарты тәуліктік орналастыру кезінде келу уақытына дейін 6 сағат бұрын.

6. Қонақ броньдауды 7.5 т. көрсетілген мерзімге сәйкес уақытында жоймаған жағдайда, броньдау алдын ала ескертусіз күшін жояды және келмегені үшін бір тәулік немесе жарты тәуліктің құны мөлшерінде айыппұл салынады.
7. Броньдау уақытында жойылған жағдайда алдын ала төлем қайтарылады.
8. Келу күні өзгерген жағдайда (өзгерістер 4.2 т. сәйкес алдын ала хабарлануы тиіс), алдын ала төлем басқа күнге ауыстырылады. Қонақ келмеген жағдайда немесе белгіленген мерзімнен кейін броньдаудан бас тартқанда, алдын ала төлем қайтарылмайды.
9. Топтық келулер кезінде төлем және броньдаудан бас тарту шарттары жеке белгіленеді.